உங்கள் உணவுகளுக்கு முற்பதிவு செய்யுங்கள்.

உங்களின் விசேட உணவுத் தேவையினை நாம் நிறைவு செய்வோம். சுகாதாரம், மதம் அல்லது வேறு தேவைகளைப் பொறுத்து உங்களின் உணவுத் தேவைகள் வித்தியாசப்படலாம். இவற்றைப் பூர்த்தி செய்யும் வகையில் எம்மிடம் உணவுத் தெரிவுகள் உள்ளன.
All meals catered out of Colombo are Halal certified.
All meals catered out of Colombo and other direct network stations are Halal certified except for Bangkok, Incheon, Tokyo, Melbourne, and Sydney.

Diabetic-Friendly Meal

Known as a hyperglycemic or a sugar-free diet, this meal is based on a daily intake of 1500 calories. Sugar substitutes are used when necessary.

நீரிழிவு உணவு

இது hyperglycemic அல்லது சீனி சேர்க்கப்படாத பத்திய உணவாக அறியப்படும். இந்த உணவு நாளொன்றுக்கு 1500 கலோரிகளை உள்ளெடுக்க கூடிய அடிப்படையில் தயாரிக்கப்படும். தேவைப்படும் பட்சத்தில் மட்டும் இதனுடன் சீனிச் சேர்க்கைகள் பயன்படுத்தப்படும். இவற்றை நீங்கள் சைவமாக பெற்றுக்கொள்ள விரும்பினால் எமது சைவ உணவுகளில் ஒன்றை முற்பதிவு செய்யுங்கள்.

க்ளுடின் இல்லாத உணவு

க்ளுடின் ஆனது மா, பார்லி மற்றும் ரை ஆகியவற்றில் காணப்படும் ஒரு மூலப்பொருளாகும். இந்த உணவுகளில் க்ளுட்டின் இல்லாத பால், பால் உற்பத்திப் பொருட்கள், முட்டைகள், இறைச்சி, மீன், காய்கறிகள், பழங்கள், அரிசி, சோளம் ஆகியவற்றை நாம் சேர்ப்போம்.

கொழுப்புக் குறைந்த உணவு

பட்டர், க்ரீம், முட்டை மஞ்சட்கரு, பொரித்த உணவு, மட்டி ஆகியவற்றிலுள்ள பொலியன்சட்டுரேட்டட் எனப்படும் கொழுப்பு வகையைத் தவிர்த்து இந்த உணவுகள் தயாரிக்கப்படும். மாறாக இந்த உணவுகளில் அதிகளவிலான நார்ச்சத்து மற்றும் அவசியமான சத்துக்கள் உள்ளடக்கப்பட்டிருக்கும்.

உப்பு சேர்க்கப்படாத உணவு

இவ்வுணவுத் தயாரிப்பில் உப்பு பயன்படுத்தப்படாது. சோடியம் அதிகம் உள்ளதாக அறியப்படும் உணவுகள் இங்கு தவிர்க்கப்படும். உணவு வகைகளின் மணத்தை அதிகரிப்பதற்காக மூலிகைகள் மற்றும் வாசனைத் திரவியங்களின் பயன்பாட்டினை நாம் கைக்கொண்டுள்ளோம்.

இலக்டோஸ் இல்லாத உணவு

பாற்பொருட்களில் காணப்படும் இலக்டோஸ் இந்த உணவில் சேர்க்கப்படாது. இந்த உணவுகளில் ஆடு, மாடு, செம்மறியாடு ஆகியவற்றின் பால், அவற்றில் தயாரிக்கப்பட்ட பட்டர், சீஸ், க்றீம், யோகட், கேசீன், மோர் , ஆடை நீக்கிய பால், கொழுப்பகற்றப்பட்ட பால் ஆகியவற்றின் மூலங்கள் மற்றும் ஏனைய பாற்பொருட்கள் சேர்க்கப்பட மாட்டாது.

இந்துக்களுக்கான அசைவ உணவு

கோழி, மீன் தவிர்ந்த ஏனைய அனைத்து இறைச்சிகளின் பயன்பாடும் இந்த உணவுகளில் முற்றாகத் தவிர்க்கப்படும். இந்துக்களுக்கான உணவில் சைவத் தெரிவும் உள்ளடக்கப்பட்டுள்ளது. இவை ஆசியாவின் சைவ உணவுப் பண்புகளைக் கொண்டிருக்கும். உங்களுக்கு சைவ உணவு தேவைப்படுமாயின் எமது சைவ உணவுத் தெரிவுகளில் ஒன்றை முற்பதிவு செய்யுங்கள்.

கோஷர் உணவு

எமது கோஷர் உணவுகள் யூத மதத்தினரின் உணவுத் தேவைகளுக்கு அமைய தயாரிக்கப்படும். இவை மத்திய கிழக்கு நாடுகளுக்குச் செல்லும் விமானங்களைத் தவிர்ந்த ஏனைய விமானங்களிற் கிடைக்கும்.

ஹலால் உணவு

விமானத்தில் பரிமாறப்படும் அனைத்து ஹலால் உணவுகளும் ஹலால் முறைக்கமைய தயாரிக்கப்பட்ட கோழி இறைச்சி, மாட்டிறைச்சி மற்றும் செம்மறி ஆட்டிறைச்சியைக் கொண்டிருக்கும். மதுசாரம், பன்றி இறைச்சித் தயாரிப்புக்கள், செதில்கள் இல்லாத மீன்கள், உயிரிழந்தவற்றை உண்ணும் மிருகங்கள் என்பவற்றின் பயன்பாடு இந்த உணவுகளில் கண்டிப்பாகத் தவிர்க்கப்பட்டுள்ளது.

ஆசிய / இந்து சைவ உணவு

ஆசிய உபகண்டத்தின் பண்புகள் மற்றும் மணத்துடன் இந்த உணவுகள் தயாரிக்கப்பட்டிருக்கும். இதில் பிரதானமாக சோறு, கறி மற்றும் குறிப்பிட்டளவு பாற் பொருட்கள் உள்ளடக்கப்பட்டிருக்கும்.

சைனர்களுக்கான சைவ உணவு

சைனர்களுக்கு முற்றிலும் சைவ உணவுகள் பரிமாறப்படும். இதில் இஞ்சி, பூண்டு, வெங்காயம், கிழங்கு, கரட், பீட், முள்ளங்கி போன்ற வேர் மூலமான காய்கறிகள் சேர்க்கப்படாது. பதிலாக புதிய பழங்கள் மற்றும் தண்டுத் தாவரங்கள் போன்ற நிலத்துக்கு மேல் வளரக்கூடியவற்றை மட்டும் கொண்டு இந்த உணவுகள் தயாரிக்கப்படும்.

சிறுவர் உணவு

சிறுவர்களுக்கு ஆரோக்கியமான உணவுகளை வழங்க வேண்டுமென்பதில் நாம் உறுதியாக உள்ளோம். இதற்காக இயற்கையான முறையில் உப்பும் வெல்லமும் கலந்த உணவுகளை நாம் அவர்களுக்குப் பரிமாறுகின்றோம். இரண்டு வகை வயது வரையறை அடிப்படையில் நாம் உணவு பரிமாறுகின்றோம்.

*1 இலிருந்து 6 வருடங்கள்
*7 இலிருந்து 12 வருடங்கள்

சிசு / குழந்தை உணவு

கோரிக்கை அடிப்படையில் விமானப் பயணம் முழுவதும் குழந்தைகளுக்கான பதப்படுத்தப்பட்ட தரமுடைய உணவுப் பொருட்களை ஸ்ரீலங்கன் வழங்குகின்றது. இது குறித்த கோரிக்கையினை முற்பதிவின்போதே முன்வைப்பது விரும்பத்தக்கது. என்றபோதும் குறிப்பிட்ட பால்மா வகைகள் மற்றும் சிசுக்களுக்கான ஏனைய உணவுத் தேவைகள் இருப்பின் அவை அவசியத்திற்கேற்ப பெற்றோரால் விமானத்தில் எடுத்துச் செல்லப்படல் வேண்டும்.

மேலைத்தேய சைவ உணவுப் பழக்கம் உடையவர்களுக்கான சைவ உணவு. (VEGANS)

இறைச்சி, கோழி, மீன், மட்டி ஆகியவற்றை இந்த உணவு கொண்டிராது. இறைச்சித் தயாரிப்புக்களான பன்றிக் கொழுப்பு, கெட்டிக் கொழுப்பு, ஜெலட்டீன், இறைச்சி அவித்த நீர், சொதி ஆகியன இதில் தவிர்க்கப்படும். பால் உற்பத்திப் பொருட்கள் மற்றும் முட்டைகளும் இந்த உணவில் சேர்த்துக் கொள்ளப்பட மாட்டாது. சைவ உணவு உண்பவர்களுக்கும் (vegans) புலால் உண்ணாதவர்களுக்கும் (vegetarians) பொருந்தக் கூடிய வகையில் தாவர உற்பத்தியை மட்டும் அடிப்படையாகக் கொண்ட தானியங்கள், காய்கறிகள், பழங்கள், அவற்றின் உள்ளீடுகள், பருப்பு வகைகள், காய்ந்த பழங்கள், விதைகள், ஈஸ்ட், சோயா ஆகியவை இந்த உணவுத் தயாரிப்புகளுக்குப் பயன்படுத்தப்படும்.

தனியுரிமைக் கொள்கை
குக்கீ கொள்கை
சட்ட அறிக்கை
2024 © SriLankan IT Systems

Close

flysmiles


More about FlySmiles