සුරතල් සතුන්
පූසන්, බල්ලන්, කුරුල්ලන්, හාවන් සහ විසිතුරු මසුන් වැනි ගෘහස්ත සතුන් පිරික්සුම් කරන ලද ගමන් මලු ලෙස රැගෙන යාමට බාරගනු ලැබෙයි.අසාමාන්ය ප්රමාණයන්ගෙන් මෙන්ම ස්වභාවයෙන්ද යුක්ත වඳුරන්, සර්පයින් වැනි සතුන් මෙලෙස පිරික්සුම් ගමන් මලු ලෙස රැගෙන යා නොහැකිය. ඔවුන් රැගෙන යා හැක්කේ ශ්රීලංකන් ගුවන් භාණ්ඩ අංශයේ ක්රියාවලීන් අනුගමනය කිරීමෙනි. සීමාවන් සහ නියමයන් අදාළ වෙයි
ශ්රීලංකන් එයාර්ලයින්ස්හි සමහර ගුවන් යානයන්හි ඇති ගුවන් භාණ්ඩ රඳවනය තුළ සුරතල් සතුන් ප්රවාහනය කිරීමේ පහසුකම් නොමැත්තේ උද්ගත විය හැකි උණුසුම්කාරී තත්වය හේතුවෙනි. එබැවින් සුරතල් සතෙකු සමග සංචරණයේ යෙදෙන්නේ නම් ගුවන් යානයේ ගුවන් භාණ්ඩ රඳවනය තුළ සුරතල් සතුන් රැගෙන යාම සඳහා පහසුකම ඇති ගුවන් යානයක පමණක් ඉඩ වෙන්කර ගැනීමට ඔබගේ ගුවන් ප්රවේශ පත් නියෝජිතයා දැනුවත් කරන්න. ඔබ සංචාරය කරන දිනයේදී සුරතල් සතුන් රැගෙන යාමේ පහසුකම සහිත ගුවන් යානා සැපයීමට අපට නොහැකිවීම නිසා ඔබගේ ඉල්ලීම ඉටුකිරීමට අප අපොහොසත් වීමේ ඉඩකඩ පවතින බවද සළකන්න.
පිරික්සුම් ගමන් මලු ලෙසින් රැගෙන යන සුරතල් සතුන් සඳහා සාමාන්ය අමතර ගමන් මලු ගාස්තු අය කරන්නේ සුරතල් සතා ,රඳවනය (කූඩුව) සහ ඒ සමග ගෙන යන ආහාර දුව්ය සඳහා වන අතර එය නිදහස් ගමන් මලු දීමනාවට අයත් වන්නේ නැත.
සෞඛ්යය අවශ්යතාවයන්
සෑම ගමනාන්තයක්ම සහ මාරුවීම් ගුවන් තොටුපළකම ඇති රේගු සහ වෙනත් රාජ්ය අවශ්යතාවයන්ට අනූකූලව කටයුතු කිරීම ගුවන් මගියාගේ සම්පුර්ණ වගකීම වෙයි.වලංගු එන්නත් සහතිකයන්,ආනයන/අපනයන/මාරුවීම් ස්ථානයන් සඳහා වන බලපත්ර ආදින්...ආසන වෙන්කර අවස්ථාවේදී සහ ගුවන් තොටුපළ/තොටුපළවල් වලදී ඉදිරිපත් කළ යුතුය.
වගකීම
සුරතල් සතුන් රැගෙන ශ්රිලංකන් එයාර්ලයින්ස් සමග සංචරණයේ යෙදෙන ගුවන් මගීන්ට සිය අවසාන ගමනාන්තය කරා ළගාවීමට එනම් ශ්රීලංකන් ගුවන් ගමනාන්තයෙන් ඔබ්බට යෑම සඳහා වෙනත් ගුවන් සේවයන්ගේ සහය අවැසි නම් එම ගුවන් සේවයන්ගෙන් සුරතල් සතුන් රැගෙන යාමේ අවසරය ලබාගත යුතුය. සුරතල් සතුන් ශ්රිලංකන් එයාර්ලයින්ස් මෙහෙයුම් ගමනාන්තයන් කරා රැගෙන යාමේ වගකීම පමණක් ශ්රිලංකන් එයාර්ලයින්ස් දරනු ඇත.
ශ්රීලංකන් එයාර්ලයින්ස් සුරතල් සතුන් රැගෙන යන්නේ එම සතාගේ සම්පූර්ණ වගකීම ගුවන් මගියා විසින් පිළිගත් පසුවය. සුරතල්/කුරුල්ලන්ට ඇතිවන තුවාල,නැතිවීම්,ප්රමාද වීම් ,අසනීප තත්වයන් හෝ ජීවිත හානියන් සම්බන්ධයෙන් හෝ ගුවන් යානාවකින් තවත් ගුවන් යානාවකට මාරු විම් සිදුකරන අන්තර් ගුවන් තොටුපළකට හෝ/සහ අවසාන ගමනාන්තයට ප්රවේශනය ප්රතික්ෂේප වීම සම්බන්ධයෙන් වන කිසිදු ආකාරයක වගකීමක් ශ්රීලංකන් එයාර්ලයින්ස් නොදරනු ඇත.කොන්දේසි සහිත බැවින් කරුණාකර ඔබගේ ගුවන් ප්රවේශපත් නියෝජිතයා සමගින් සම්බන්ධ වන්න.
විශේෂ අවශ්යතා සපයන සේවා සිවුපාවුන්(දෘශ්යාබාධිතයන්ට මඟ පෙන්වන/ බිහිරි අයට සහය වන සුනඛයින්)
මෙවැනි විශේෂ අවශ්යතා සපයන සේවා සිවුපාවුන් (දෘශ්යාබාධිතයන්ට මඟ පෙන්වන/ බිහිරි අයට සහය වන සුනඛයින්) රැගෙන යා හැකි වන්නේ ඇස් පෙනීම හෝ කන් ඇසීම දුර්වල සහ ඔහු/ඇය සත්ය ලෙසින්ම සුනඛයාගේ සේවය මත යැපෙන්නේ නම් පමණි.
එවන් සුනඛයෙක් ව්යාපාරික හෝ පිරිමැසුම්දායක පන්තිවල කිසිදු අමතර ගාස්තුවක් ගෙවීමකින් තොරව රැගෙන යාමට අවසර ඇත.කෙසේ වෙතත් විශේෂ අවශ්යතා සපයන සේවා සිවුපාවුන් රැගෙන යාම සඳහා අන්තර්ජාතික ගුවන් ප්රවාහන සංගමයේ පණ ඇති සිවුපාවුන් සඳහා වන නියාමයනයන් අදාළ වනු ඇත.
සංචරණයට පෙර
ගුවන් යානය පිටත් වීමට පැය 48 කට පෙර ශ්රීලංකන් වෙත දැනුම් දිය යුතුය.
ගුවන් යානය පිටත් වීමට පැය තුනකටවත් පෙර පිරික්සුම් කටයුතු සිදුකළ යුතුය.
විශේෂ අවශ්යතාවයකට සහය වන සේවාවක් සපයන සිවුපාවෙක් බවට පිළිගත හැකි වාචික සහතිකයක් සැපයීම සඳහා ගුවන් මගියා සුදානම් වී සිටිය යුතුය.
ගුවන් ගමනේදී සිවුපාවාට මුත්රා කිරීම්ට අවැසි නොවන බව හෝ සුනඛයාගේ මළපහ කිසියම් ආකාරයක සෞඛ්ය හෝ සනීපාරක්ෂක ගැටලු ඇති නොවන අන්දමින් ප්රමාණවත් ලෙසින් පාලනය කරගත හැකි බවටත් ගුවන් මගියා සහතික විය යුතුය.එම අවශ්යතාවය සඳහා ඔහු/ඇය අවශෝෂකයන් හෝ වෙනත් ද්රව්යයන් රැගෙන ආ යුතුය.
සැළකිය යුතුයි : 1
මෙවැනි විශේෂ අවශ්යතා සපයන සේවා සිවුපාවුන් හදිසි පිටවීම් දොරටු අසළ සහ වෙනත් මගීන්ගේ ඇවිදින පෙදෙසට අවහිර වන ලෙසින් ස්ථානගත කිරීම සිදු කළ නොහැකිය. මෙවැනි විශේෂ අවශ්යතා සපයන සේවා සිවුපාවුන් ගුවන් මගියා සමග වෙන්කළ අසුනේ තබාගත නොහැකිනම් හෝ කළහකාරී ස්වභාවයක් පෙන්වන්නේ නම් හෝ මගියාගේ අසුන යටින් තබාගැනීමට නොහැකි තරම් විශාල නම් හෝ වෙනත් මගියකුගේ ආසනය දෙසට යෑමෙන් වැලකී මගියාගේ දෙපා අසල තබා ගැනීමට නොහැකි නම් හෝ මගීන්ට ඇවිදීමට ඇති පෙදෙස අවහිර වන ලෙස වාඩි වී සිටී නම් හෝ සංචරණ සුනඛ කූඩුවක් (මගියා විසින් සැපයිය යුතුය) අවැසි වන අතර එය ගුවන් භාණ්ඩ රඳවනයේ ගාස්තුවකින් තොරව රැගෙන යා හැකිය. එසේම මෙම කූඩුව අන්තර්ජාතික ගුවන් ප්රවාහන සංගමයේ සුනඛ කූඩු සහ පරිමාණයන්ගේ අවශ්යතාවයනට අනුකූල විය යුතු අතර විශේෂ අවශ්යතා සපයන සේවා සිවුපාවුන්ගේ නිරුපද්රිතතාව සඳහා උණුසුම්කාරී තත්වයන්ගේ සීමාකිරීම් ගැන සහතික විය යුතුය.ගුවන් යානයේ රැගෙන යාම සඳහා අවසරය ලැබෙන්නේ විශේෂ අවශ්යතා සපයන එක් සේවා සිවුපාවෙකුට පමණි.සෑමවිටම සංචාරක නියෝජිතයා සමග සම්බන්ධ වී සිටින්න.
සැළකිය යුතුයි : 2
උණුසුම් තත්වයන් ඇතිවිම නිසා ශ්රිලංකන් එයාර්ලයින්ස් හි ඇතැම් ගුවන් යානාවන්හි ගුවන් භාණ්ඩ රඳවනයේ පණ ඇති සතුන් ගෙන යාමේ සීමාවන් ඇත. යම් හෙයකින් එම විශේෂ අවශ්යතාවයන් ඇති සිවුපාවුන් ගුවන් යානයේ භාණ්ඩ රඳවනයේ රැගෙනයාමට ඉඩ ඇති බැවින් අපහසුතාවයන් ඇති නොවීම සඳහා දී ඇති කාලසීමාවන්හිදී සිවුපාවුන් රැගෙන යාම වෙන්කර ගැනීම ඉතා වැදගත් වනු ඇත.
සෞඛ්යය අවශ්යතාවයන්
සෑම ගමනාන්තයක්ම සහ මාරුවීම් ගුවන් තොටුපළකම ඇති රේගු සහ වෙනත් රාජ්ය අවශ්යතාවයන්ට අනූකූලව කටයුතු කිරීම ගුවන් මගියාගේ සම්පුර්ණ වගකීම වෙයි.වලංගු එන්නත් සහතිකයන්,ආනයන/අපනයන/මාරුවීම් ස්ථානයන් සඳහා වන බලපත්ර ආදින්...ආසන වෙන්කර අවස්ථාවේදී සහ ගුවන් තොටුපළ/තොටුපළවල් වලදී ඉදිරිපත් කළ යුතුය.
වගකීම
විශේෂ අවශ්යතා සපයන සේවා සිවුපාවුන් රැගෙන ශ්රිලංකන් එයාර්ලයින්ස් සමග සංචරණයේ යෙදෙන ගුවන් මගීන්ට සිය අවසාන ගමනාන්තය කරා ළගාවීමට එනම් ශ්රීලංකන් ගුවන් ගමනාන්තයෙන් ඔබ්බට යෑම සඳහා වෙනත් ගුවන් සේවයන්ගේ සහය අවැසි නම් විශේෂ අවශ්යතා සපයන සේවා සිවුපාවුන් රැගෙන යාමේ අවසරය එම ගුවන් සේවයන්ගෙන් ලබාගත යුතුය. විශේෂ අවශ්යතා සපයන සේවා සිවුපාවුන් ශ්රිලංකන් එයාර්ලයින්ස් මෙහෙයුම් ගමනාන්තයන් කරා රැගෙන යාමේ වගකීම පමණක් ශ්රිලංකන් එයාර්ලයින්ස් දරනු ඇත.
ලිපි ලේඛන නිවැරදි අයුරින් නොමැති වීම ආදිය හේතුවෙන් ගුවන් මගියාගේ සංචරණය ඇතුළත් වන කිසියම් රටකට සුනඛයාට ඇතුළුවීමට අවසර නොලැබෙන විට ගුවන් සේවය ඒ පිළිබඳව කිසිදු වගකීමක් දරන්නේ නැත.
විශේෂ අවශ්යතා සපයන සේවා සිවුපාවා ගුවන් මගියා සමග ගුවන් යානය තුළ සිටින විට සිවුපාවාගේ සෞඛ්යය සහ සුවපහසුව පිළිබඳව ශ්රීලංකන් එයාර්ලයින්ස් වගකීම බාර නොගනියි.ගුවන් ගමනේදී හෝ ඉන්පසු ඇතිවන සියලුම ආකාරයේ තුවාල,අසනීප තත්වයන් හෝ/සහ ජීවිත හානියන් සම්බන්ධයෙන් වගකීම ගුවන් මගියා විසින් භාරගත යුතුය.
පිළිගැනීමේ කොන්දේසි
විශේෂ අවශ්යතා සපයන ඔබේ සේවා සිවුපාවා ගුවන් මැදිරිය තුළ රැගෙන යනවිටදී අපහසුතාවයන් ඇති නොවීම සඳහා පහත සඳහන් උපදේශනයන් පිළිගැනීමට කටයුතු කරන්න.
- සුනඛයාගේ මුඛය සුදුසු සන්නාහයකින් වසා තැබිය යුතුය. සුනඛයා හොඳින් හීලෑ වී ඇති හිංසාවෙන් තොර,පිරිසිදු බවින් සහ දුර්ගන්ධය නොහමන සතෙකු විය යුතු අතර සුනඛයාගේ කරපටිය ගුවන් ගමනේදී සෑමවිටම අයිතිකරුගේ අසුනට ආරක්ෂිත අයුරින් බැඳ තැබිය යුතුය.
- සුනඛයාට ගුවන් මැදිරිය තුළ එහා මෙහා ගමන්කිරීමට ඉඩ දිය නොහැකි අතර ගුවන් මගියා අසලින්ම වාඩි වී සිටීම අපේක්ෂා කෙරෙනු ඇත.
- උරාගන්නා ද්රව්යයන් සුනඛයා යටින් තැබිය යුතු වන්නේ ගුවන් යානයේ බිම කිලිටු වීම වැලැක්වෙන අයුරින්ය.