2.1   இந்த வலைத்தளமானது, நன்னம்பிக்கையின் பேரில் ஸ்ரீலங்கன் ஏர்லைன்ஸ் லிமிட்டெட் (இனி "ஸ்ரீலங்கன் ஏர்லைன்ஸ்" என்று குறிப்பிடப்படும்) நிறுவனத்தால் தொகுக்கப்பட்டுள்ளது. இந்த வலைத்தளத்தில் உள்ள தகவல்களின் முழுமைத்தன்மை அல்லது துல்லியம் தொடர்பாக, அது தடையின்றிக் கிடைக்கும் என்றோ அல்லது பிழையற்றதாக இருக்கும் என்றோ அல்லது இதில் இருக்கும் தகவல்களில் பிழைகள் (bugs), வைரஸ்கள், வார்ம்கள், ட்ரோஜன் ஹார்ஸ்கள் அல்லது பிற தீங்கு விளைவிக்கக்கூடிய அம்சங்கள் எதுவும் இருக்காது என்றோ வெளிப்படையான அல்லது மறைமுகமான பிரதிநிதித்துவம் எதுவும் செய்யப்படவில்லை அல்லது உத்தரவாதம் கொடுக்கப்படவில்லை.

2.2   சட்டத்தின்படி அனுமதிக்கப்பட்ட அதிகபட்ச அளவிற்கு, இந்த வலைத்தளத்தின் மூலம் வழங்கப்படுகின்ற தகவல், தயாரிப்புகள், சேவைகள், பிற உள்ளடக்கங்கள் ஆகியவை தொடர்பாக மறைமுகமான உத்தரவாதங்கள் அனைத்தையும் ஸ்ரீலங்கன் ஏர்லைன்ஸ் நிறுவனம் துறக்கிறது. அத்தகைய தகவல்கள், தயாரிப்புகள், சேவைகள், பிற உள்ளடக்கங்கள் அனைத்தும் எந்தவிதமான உத்தரவாதமும் இல்லாமல் “உள்ளது உள்ளபடியே” மற்றும் “ கிடைப்பதற்கு ஏற்ப” வழங்கப்படுகின்றன.

2.3   பேக்கேஜ் விடுமுறைகள் பற்றிய ஐரோப்பிய சட்டத்தின்படி, தங்கும் வசதி அல்லது பிற சேவைகளுடன் சேர்த்து விமான டிக்கெட்டுகள் விற்பனை செய்யப்பட்டால், அவை நிதிரீதியாகப் பாதுகாக்கப்பட வேண்டும் என்பது அவசியம். எங்கள் வலைத்தளத்தில் காணப்படும் ஓர் இணைப்பைக் கொண்டு வேறொரு நிறுவனத்தின் மூலம் நீங்கள் தங்கும் வசதியை முன்பதிவு செய்தாலும், நீங்கள் முன்பதிவு செய்ய இருக்கின்ற விமானம் அத்தகைய பேக்கேஜின் ஒரு பகுதியல்ல.

2.4   இந்த வலைத்தளத்தை அணுகுவதன் மூலம், இந்த வலைத்தளத்தில் உள்ள தகவல்கள், அதில் உள்ள உள்ளடக்கங்கள் உட்பட இந்த வலைத்தளத்தை நீங்கள் உபயோகிப்பது, இந்த வலைத்தளத்தில் உள்ள இணைப்புகளின் வழியாக இணையத்தில் உள்ள பிற உள்ளடக்கத்தை நீங்கள் அணுகுவது, இந்த வலைத்தளத்தை பயன்படுத்துவதில் ஏற்படும் தாமதம் அல்லது பயன்படுத்த முடியாமல் போவது, அல்லது தயாரிப்புகள் மற்றும் சேவைகளின் கிடைக்கும்தன்மை மற்றும் பயன்படும்தன்மை (நாங்கள் உங்களை விமானத்தில் அழைத்துச் செல்வது தவிர) ஆகியவற்றால் ஏற்படுகின்ற எந்தவிதமான நேரடியான, மறைமுகமான அல்லது விளைவான இழப்பு அல்லது சேதங்கள் எதற்கும் SriLankan Airlines நிறுவனம் பொறுப்பாகாது என்பதை நீங்கள் ஒப்புக்கொள்கிறீர்கள்.

3.1   ஸ்ரீலங்கன் ஏர்லைன்ஸ் வலைத்தளத்தில் பிற மூன்றாம் தரப்பு வலைத்தளங்களுக்கான இணைப்புகள் இருக்கலாம். உங்களுக்குப் பொதுவான தகவல்களைப் பெறும் நோக்கத்திற்காகவே இந்த இணைப்புகள் வழங்கப்பட்டுள்ளன, இப்படி இணைப்புகள் வழங்கப்படுவதால் அத்தகைய மூன்றாம் தரப்பு வலைத்தளங்கள் அல்லது மூன்றாம் தரப்பு வலைத்தளங்களில் விளம்பரப்படுத்தப்படுகின்ற, வழங்கப்படுகின்ற அல்லது விற்பனை செய்யப்படுகின்ற எந்தத் தயாரிப்புகள் அல்லது சேவைகளையும் ஸ்ரீலங்கன் ஏர்லைன்ஸ் நிறுவனம் ஆதரிப்பதாகக் கருதப்பட முடியாது. மேலும் இந்த வலைத்தளங்களை நீங்கள் பயன்படுத்துவது, அவற்றில் வெளியிடப்பட்டிருக்கும் விதிமுறைகள் மற்றும் நிபந்தனைகளுக்கு உட்பட்டதாகவே இருக்கும். மூன்றாம் தரப்பு வலைத்தளங்களில் கணினி வைரஸ்கள் அல்லது அழிக்கும்தன்மை கொண்ட வேறு எந்தப் பாதிப்புகளும் இல்லாமல் இருக்கும் என்று ஸ்ரீலங்கன் ஏர்லைன்ஸ் உத்தரவாதம் எதையும் வழங்க முடியாது, வழங்காது. மூன்றாம் தரப்பு வலைத்தளங்களுக்கான இணைப்புகளை வழங்குவதால், மூன்றாம் தரப்பு வலைத்தளங்கள் வழங்குகின்ற தயாரிப்புகள் மற்றும் சேவைகள் எதையும் நீங்கள் வாங்க வேண்டும் என்று நாங்கள் பரிந்துரைப்பதாகவோ வலியுறுத்துவதாகவோ அர்த்தமாகாது.

3.2   எங்கள் வலைத்தளத்தில் உள்ள இணைப்புகளுக்குரிய மூன்றாம் தரப்பு வலைத்தளங்களில் இருக்கின்ற உள்ளடக்கம் எதற்கும் ஸ்ரீலங்கன் ஏர்லைன்ஸ் நிறுவனம் பொறுப்பேற்காது அல்லது பொறுப்பாகாது, அத்தகைய மூன்றாம் தரப்பு வலைத்தளங்களில் இருக்கின்ற உள்ளடக்கம், அந்த உள்ளடக்கம் அல்லது தகவல்களின் துல்லியம், முழுமைத்தன்மை, சட்ட இணக்கம் அல்லது நம்பகத்தன்மை தொடர்பாக, அல்லது அத்தகைய மூன்றாம் தரப்பு வலைத்தளங்களில் உள்ள தகவல்கள் அல்லது பிற உள்ளடக்கங்கள் உங்களுடைய குறிப்பிட்ட சூழ்நிலைகளுக்குப் பொருத்தமானதாக இருக்கும் என்றோ எந்தவிதமான வெளிப்படையான அல்லது மறைமுகமான உத்தரவாதங்கள், உறுதிகள் மற்றும்/அல்லது பிரதிநிதித்துவங்கள் எதையும் ஸ்ரீலங்கன் ஏர்லைன்ஸ் நிறுவனம் வழங்கவில்லை. எங்கள் வலைத்தளத்தில் வழங்கப்பட்டுள்ள இணைப்புகளுக்குரிய வலைத்தளங்களை நீங்கள் அணுக முடிவு செய்தால், அதில் உள்ள ஆபத்துகளுக்கு நீங்களே பொறுப்பேற்றுதான் அணுகுகிறீர்கள்.

3.3   மூன்றாம் தரப்பு வலைத்தளங்கள் எதிலிருந்தும் தனிப்பட்ட தரவைச் சேகரிப்பது அல்லது பயன்படுத்துவது தொடர்பான பொறுப்பை ஸ்ரீலங்கன் ஏர்லைன்ஸ் ஏற்க முடியாது, ஏற்காது.

3.4   மூன்றாம் தரப்பு வலைத்தளங்களை நீங்கள் பயன்படுத்துவது (அல்லது பயன்படுத்த முடியாமல் போவது) அல்லது மூன்றாம் தரப்பு வலைத்தளங்களில் உள்ள தகவல்களை நீங்கள் பயன்படுத்துவது (அல்லது பயன்படுத்தத் தவறுவது) போன்றவற்றின் விளைவாக ஒப்பந்தம் சார்பாக, சட்டப்படியான தவறுகள் சார்பாக அல்லது பிற வழிகளில் நேர்கின்ற எந்தவிதமான (நேரடியான, மறைமுகமான, விளைவான அல்லது பிறவகை) இழப்பு அல்லது சேதம் எதற்கும் ஸ்ரீலங்கன் ஏர்லைன்ஸ் நிறுவனம் பொறுப்பேற்காது.

3.5   மூன்றாம் தரப்பு வலைத்தளங்களில் இருக்கின்ற உள்ளடக்கம் அல்லது தகவல்களை நான் நம்புவதன் அடிப்படையில் நான் எடுக்கின்ற முடிவு அல்லது மேற்கொள்கின்ற பரிவர்த்தனை எதற்கும், அல்லது ஏதேனும் காரணத்தினால் மூன்றாம் தரப்பு வலைத்தளங்களை அணுகுவதில் ஏற்படும் தாமதங்கள் அல்லது குறுக்கீடுகள் காரணமாக நேர்கின்ற பொறுப்புகள் எதற்கும் ஸ்ரீலங்கன் ஏர்லைன்ஸ், ஸ்ரீலங்கன் ஏர்லைன்ஸ் வலைத்தளத்தின் வழியாக தயாரிப்புகள் அல்லது சேவைகளை வழங்குகின்ற ஏதேனும் வணிகம், அல்லது மூன்றாம் தரப்பு வலைத்தளங்களை வழங்குகின்ற நிறுவனம் எதையும் பொறுப்பாக்க மாட்டேன் என்று ஒப்புக்கொள்கிறேன்.

3.6   மூன்றாம் தரப்பு வலைத்தளங்களில் இருக்கும் உள்ளடக்கமானது, அந்தந்த வலைத்தளத்தின் வழங்குநர் அல்லது உரிமதாரருக்குச் சொந்தமானது, மேலும் அந்த மூன்றாம் தரப்பு வலைத்தளங்களில் வெளியிடப்பட்டிருக்கும் அறிவிப்புகளில் குறிப்பிட்டுள்ளபடி பொருந்தக்கூடிய பதிப்புரிமைச் சட்டத்தினால் பாதுகாக்கப்பட்டதாகும். மூன்றாம் தரப்பு வலைத்தளங்களின் வழங்குநரிடம் இருந்து வெளிப்படையான, எழுத்துப்பூர்வ ஒப்புதல் இல்லாமல், அந்த மூன்றாம் தரப்பு வலைத்தளங்களில் இருக்கும் உள்ளடக்கங்கள் அல்லது தகவல்களை, மறு உருவாக்கம் செய்தல், மறுபரப்புதல், பரப்புதல், விநியோகித்தல், வெளியிடுதல், பிராட்காஸ்ட் செய்தல், சுற்றறிக்கை மூலம் வெளிப்படுத்துதல் அல்லது வணிகரீதியாகப் பயன்படுத்திக் கொள்ளுதல் போன்ற செயல்களைச் செய்ய மாட்டேன் என்று ஒப்புக்கொள்கிறேன்.

இந்த வலைத்தளத்தைப் பயன்படுத்துவதன் அடிப்படையில் எழுப்பப்படும் ஏதேனும் உரிமை கோரல்களால், ஸ்ரீலங்கன் ஏர்லைன்ஸ் நிறுவனத்திற்கு இழப்பு எதுவும் ஏற்படாமல் பாதுகாக்கவும், ஸ்ரீலங்கன் ஏர்லைன்ஸ் நிறுவனத்தின் மீது வழக்கு தொடுக்காமல் இருக்கவும் நீங்கள் ஒப்புக்கொள்கிறீர்கள்.

5.1   இந்த வலைத்தளத்தில் உள்ள உள்ளடக்கத்தின் காணப்படும் வர்த்தக முத்திரைகள், சேவை முத்திரைகள், பதிப்புரிமை, தரவுத்தள உரிமைகள் மற்றும் பிற அறிவுசார் சொத்து சார்ந்த உரிமைகள், இந்த வலைத்தளத்தில் உள்ள ஒழுங்கமைப்பு மற்றும் தளவமைப்பு மற்றும் அதை ஆதரிக்கின்ற மென்பொருள் ஆகிய அனைத்தும் ஸ்ரீலங்கன் ஏர்லைன்ஸ் நிறுவனம் அல்லது அதன் உரிமதாரர்களுக்குச் சொந்தமானவை. ஸ்ரீலங்கன் ஏர்லைன்ஸ் மற்றும் அதன் உரிமதாரர்களின் வர்த்தக முத்திரை, சேவை முத்திரை மற்றும் லோகோக்களை எழுத்துப்பூர்வமான முன் அங்கீகாரம் இல்லாமல் பயன்படுத்தவோ, மாற்றம் செய்யவோ, பின்பற்றவோ கூடாது. இந்த வலைத்தளத்தில் உள்ள எந்த உள்ளடக்கம் மற்றும் இதை இயங்க வைக்கும் மென்பொருளின் குறியீடுகளை வெளிப்படையான மற்றும் எழுத்துப்பூர்வமான அனுமதி இல்லாமல், முழுமையாகவோ பகுதியளவோ நகலெடுக்க, மாற்றம் செய்ய, திருத்தம் செய்ய, வெளியிட, பிராட்காஸ்ட் செய்ய, விநியோகிக்க, பிற வலைத்தளத்திற்கு இணைக்க, விற்பனை செய்ய அல்லது பரிமாற்றம் செய்யக்கூடாது. எனினும் இங்கே உள்ள தகவலை தனிப்பட்ட, வணிக நோக்கல்லாத பயன்பாட்டிற்காகப் பதிவிறக்கிக் கொள்ளலாம், அச்சிடலாம் அல்லது நகலெடுக்கலாம்.

6.1   ஸ்ரீலங்கா அல்லது நீங்கள் இந்த வலைத்தளத்தை எங்கிருந்து அணுகுகிறீர்களோ அந்த சட்ட அதிகார எல்லைக்குள் நடைமுறையில் இருக்கும் பொருந்தக்கூடிய அனைத்து சட்டங்கள், ஒழுங்குமுறைகள் மற்றும் நடத்தை நெறிகளுக்கு இணங்குவது உட்பட, சட்டப்படியான மற்றும் தகுந்த நோக்கங்கள் எதற்கும், இந்த விதிமுறைகள் மற்றும் நிபந்தனைகளுக்கு இணங்க இந்த வலைத்தளத்தை நீங்கள் பயன்படுத்தலாம்.

6.2   குறிப்பாக இவற்றைச் செய்ய மாட்டீர்கள் என்று ஒப்புக்கொள்கிறீர்கள்:

6.2.1   தீங்கு விளைவிக்கின்ற, ஆபாசமான அல்லது பிற வழிகளில் சட்ட விரோதமான தகவல் எதையும் இந்த வலைத்தளத்தின் வழியாக வெளியிடுதல், பரிமாற்றுதல் அல்லது பரப்புதல்.

6.2.2   மற்றவர்களின் உரிமைகளை மீற வழிவகுக்கின்ற அல்லது அதற்குக் காரணமாக அமைகின்ற வகையில் இந்த வலைத்தளத்தைப் பயன்படுத்துதல்.

6.2.3   பிழையான தரவு, வைரஸ்கள் போன்றவை கிடைக்கும்படி செய்வது உட்பட (ஆனால் இது மட்டுமே அல்ல) எந்த வழியிலும் இந்த வலைத்தளத்தின் இயக்கம் அல்லது செயல்பாட்டில் குறிப்பிடுவதற்கு அல்லது குறிப்பிட முயற்சிப்பதற்கு எந்த மென்பொருள், ரொட்டீன், செயல்முறை அல்லது சாதனத்தையும் பயன்படுத்துதல் அல்லது பிறருக்கு இது கிடைப்பதில் குறுக்கீட்டை ஏற்படுத்துதல்.

6.2.4   இந்த வலைத்தளம் அல்லது இதை இயக்குகின்ற மென்பொருள் குறியீட்டின் தோற்றம் மற்றும் தன்மையைக் கெடுப்பது, மாற்றுவது அல்லது அதில் குறுக்கீட்டை ஏற்படுத்துவது.

6.2.5   வலைத்தளம் அல்லது அது தொடர்பான கட்டமைப்பின் மீது நியாயமல்லாத அல்லது அளவுக்கு அதிகமான பெரிய பணிச்சுமையை ஏற்படுத்தும் செயல்கள் எதையும் செய்தல்.

6.2.6   எந்த வழியிலும் எங்கள் நெட்வொர்க்கில் ஏதேனும் ஒன்றிற்கு அங்கீகரிக்கப்படாத அணுகலைப் பெறுதல் அல்லது பெற முயற்சித்தல்.

6.3   இந்த விதிமுறைகள் மற்றும் நிபந்தனைகளை நீங்கள் மீறி விட்டீர்கள் என்று ஸ்ரீலங்கன் ஏர்லைன்ஸ் நிறுவனம் தனது பிரத்தியேக விருப்புவெறுப்பின்படி நம்பினால், சட்டம் அல்லது பிற வழிகளில் உங்களுக்குக் கிடைக்கின்ற உரிமைகள் சம்பந்தப்பட்ட சார்பு நிலை எதுவும் இல்லாமல், உங்களுக்கு இந்த வலைத்தளத்திற்கான அணுகலை மறுப்பதற்கு எங்களுக்கு உரிமை உள்ளது.

ஸ்ரீலங்கன் ஏர்லைன்ஸ் நிறுவனம் இந்த வலைத்தளத்தில் விவரிக்கப்பட்டுள்ள தயாரிப்புகள் சேவைகள் மற்றும் விலைகளில் எப்போது வேண்டுமானாலும் முன்னறிவிப்பின்றி மேம்பாடுகள் மற்றும்அல்லது மாற்றங்களைச் செய்யலாம். வலைத்தளத்தில் காலமுறைப்படி அவ்வப்போது மாற்றங்கள் செய்யப்படும். ஸ்ரீலங்கன் ஏர்லைன்ஸ் நிறுவனம் இந்த வலைத்தளத்தில் திருத்தப்பட்ட விதிமுறைகளை வெளியிடுவதன் மூலம், இந்த விதிமுறைகளில் திருத்தங்களைச் செய்யக்கூடும். இந்த மாற்றங்களுக்குப் பிறகு இந்த வலைத்தளத்தை தொடர்ந்து நீங்கள் பயன்படுத்தினால், அந்த மாற்றங்களை நீங்கள் ஏற்றுக்கொண்டதாகக் கருதப்படும்.

நீங்கள் இந்த வலைத்தளத்தைப் பயன்படுத்துவதற்குப் போதுமான சட்டப்பூர்வ வயதை அடைந்துள்ளவர் என்றும், இந்த ஒப்பந்தத்திற்கு உடன்படவும் பொருந்தக்கூடிய விதிமுறைகள் மற்றும் நிபந்தனைகள் அனைத்திற்கும் இணங்க இந்த வலைத்தளத்தைப் பயன்படுத்தவும், உங்களுக்கு சட்டப்பூர்வ உரிமையும் திறனும் உள்ளது என்றும் பிரதிநிதித்துவம் செய்கிறீர்கள், மேலும் உங்களுடன் வசிக்கும் சிறுவர்கள் உட்பட மற்றவர்கள் உங்கள் கணக்கைப் பயன்படுத்துவது உட்பட (ஆனால் அது மட்டுமே அல்ல), உங்கள் பெயர் அல்லது கணக்கின் கீழ் இந்த வலைத்தளத்தைப் பயன்படுத்துவதன் விளைவாக நேர்கின்ற எந்த ஒரு பொறுப்பிற்கும் கட்டுப்படுத்துகின்ற சட்டப்பூர்வக் கடப்பாடுகளை உருவாக்கிக்கொள்கிறீர்கள்.

இந்த வலைத்தளத்தை பயன்படுத்தும்போது நீங்கள் எங்களுக்கு வழங்குகின்ற தனிப்பட்ட தகவல்கள் எதுவும், இந்தத் தனியுரிமைக் கொள்கைக்கு இணங்க பயன்படுத்தப்படும்.

10.1   ஸ்ரீலங்கன் நிறுவனம் உங்கள் தனியுரிமையை மதிக்கிறது, மேலும் உங்கள் தனியுரிமையையும் தனிப்பட்ட தகவல்களையும் பாதுகாப்பதில் நாங்கள் உறுதியாக இருக்கிறோம்.

10.2   உங்களுக்கு உள்ள தனியுரிமை சார்ந்த உரிமைகள் பற்றியும், சட்டம் உங்களை எப்படிப் பாதுகாக்கிறது என்பதைப் பற்றியும் எங்களுடைய தனியுரிமைக் கொள்கை கூறுகிறது. உங்கள் தனிப்பட்ட தகவல்களை நாங்கள் எப்படிச் சேகரிக்கிறோம், பிறகு எப்படிச் செயலாக்குகிறோம் என்பது பற்றிய தகவலும் இதில் அடங்கும். www.srilankan.com/en_uk/corporate/privacy-policy என்ற முகவரியில் எங்கள் தனியுரிமைக் கொள்கை உள்ளது. உங்கள் உரிமைகள் பற்றியும் உங்கள் தனிப்பட்ட தரவை ஸ்ரீலங்கன் நிறுவனம் பயன்படுத்துவது பற்றியும் புரிந்து கொள்ள அதை படித்துப் பார்க்குமாறு அறிவுறுத்துகிறோம்.

11.1   சர்வதேசத் தடங்களில் பயணிகள், லக்கேஜ்கள் மற்றும் சரக்குகளை ஸ்ரீலங்கன் ஏர்லைன்ஸ் நிறுவனம் கொண்டு செல்வது, ஸ்ரீலங்கன் ஏர்லைன்ஸ் நிறுவனத்தின் பயணிகள் மற்றும் லக்கேஜ்களுக்கான பயண அனுமதிக்கான நிபந்தனைகள், ஒப்பந்த நிபந்தனைகள் அல்லது சரக்குகளைப் பொறுத்தவரை, சரக்குகளைக் கொண்டு செல்வதற்கான நிபந்தனைகள் மற்றும் பிற முக்கியமான அறிவிப்புகளுக்கு உட்பட்டதாகும்.

11.2   உங்கள் விமானத்தை இயக்குவது ஸ்ரீலங்கன் ஏர்லைன்ஸ் அல்லாத வேறொரு நிறுவனமாக இருந்தால், பயண அனுமதிக்கான அவர்களது நிபந்தனைகள் பற்றி அறிந்து கொள்ள அவர்களைத் தொடர்புகொள்ளுங்கள்.

இந்த வலைத்தளத்தை நீங்கள் கையாள்வது மற்றும் பயன்படுத்துவது உங்கள் அணுகலைக் கட்டுப்படுத்துவது மொத்த விதிமுறைகளும் இதுவே ஆகும். வலைத்தளத்தில் இருந்து நீங்கள் பெறுகின்ற, வாங்குகின்ற அல்லது பயன்படுத்துகின்ற தயாரிப்புகள் அல்லது சேவைகளுக்கு என்று தனிப்பட்ட சில ஏற்பாடுகளும் இருக்கலாம். அந்த விதிமுறைகள் பற்றிய விவரங்களை நீங்கள் அந்தக் குறிப்பிட்ட தயாரிப்புகள் அல்லது சேவைகளின்கீழ் அல்லது அந்தச் சேவையை வழங்கும் நிறுவனங்களிடம் கண்டறியலாம்.

இந்த வலைத்தளத்தின் உங்களுடைய பயன்பாட்டை ஜனநாயக சோசியலிச குடியரசின் சட்டங்களே கட்டுப்படுத்துகின்றன, மேலும் ஸ்ரீலங்காவின் நீதிமன்றங்களின் பிரத்தியேகமல்லாத சட்ட அதிகார எல்லைக்கு உட்பட திரும்பப் பெற முடியாத வகையில் நீங்கள் ஒப்புக்கொள்கிறீர்கள்.